呵呵，睇来呢篇贴引起咗一众人嘅吃喝玩乐嘅兴趣~~其实讲真，食嘢真正嘅乐趣系同人一齐食，一齐玩，有讲有笑，可以话吸引人嘅唔系食物，而系果种感觉!酒肉穿肠过，留低嘅系大家嘅难忘嘅记忆~~



　　下昼5点，忙咗成日，本应系返屋企休息嘅时候。企系晓港路边等巴士，突然收到Chao飞短信话，Hao宅太久了，想出去行下，顺便搵吃，问我有乜好介绍。于是我随口up咗一句，去西关咯~

　　Chao：西关行街买衫？
　　我：西关有好多小吃啊。我都想搵个时间去吃鱼皮……
　　Chao：咁宜家去咯!
　　我：……吓？

　　于是，毫无准备咁，三个当时位于广州唔同地方嘅人，决定走去西关吃小吃。呵呵，突然觉得我地几个有六朝雅士“乘兴而至”嘅风骨~

　　了解西关小吃嘅人都知道，西关“小吃”并唔系你所想嘅烧鱿鱼、烧鸡、章鱼小丸子，而是地道嘅广府特色小吃!然而Chao & Hao have no idea about it，以至于一落车，就好薯咁话：我见到烧鱿鱼啊!我要食烧鱿鱼!- -跟住就买咗三串鱿鱼。本来想留肚食好嘢，冇计，我唯有好无奈咁食咗~~(有你食米好咯，咁多声气？!真难养~~)


Hao食鱿鱼嘅囧照~

　　讲真，其实所谓嘅名小食，对于好多广州人来讲真系在普通不过了，甚至，当年被认为系风尚嘅“冰室”时至今日已经几近淘汰嘅边缘，对于80后嘅我，“冰室”从来都只系存在于阿妈嘅回忆，同埋文学著作中。印象中系我好细个嘅时候有去过？但系我已经唔记得雪糕球之外嘅其他嘢。唔知点解，见到“顺记冰室”，突然觉得时光倒流，去咗老豆老母谈情说爱嘅年代~~






我同Chao讲：阿婆都来呢度饮冰啊~~~你话系咪老字号？




香芒雪糕、椰子雪糕，同埋榴莲雪糕……嘅残骸~

　　古街深巷中，老伯安静咁坐系收银台。可能对于佢，父亲同传落来嘅呢间老店一样，都系简朴而安静嘅。陈添已经走咗，但系“陈添记”几十年来风雨不倒。虽然净系卖3样嘢——粥、拉肠、鱼皮，但系呢条巷仔从来未有冷清过。



　　就系呢个时候，Chao好似突然间顿悟咁话：我终于知道点解烧鱿鱼、烧鸡档叫极都冇人来啦~~~

　　终于食到YY咗好耐嘅鱼皮，好鸡冻~~~TAT




我极其愿意相信呢D全部都系手写嘅……


食咗先记得影相，囧。






传说中嘅鸡公榄？

系呢个繁华嘅上下九街上，如果净系要文化印记嘅嘢，剔出现代嘅喧嚣，有几多街灯要熄灭？如果唔系去上下九买衫，而系去食嘢，呢条路又可以几长？







西关阿姨……莫非20年前，佢地都系传说中嘅西关小姐？


P.S.你地唔好再YY Chao & Hao啦>_<虽然佢地一个好攻一个好受，虽然佢地都未有GF，虽然我专登影到佢地好BL，但系~~~佢地唔系嘅咯~